280/1990 Foru Dekretuan, urriaren 18koan, Nafarroako Entitate Lokalen Ondasun Arautegia onesten duenean, 134. artikuluan, xedatuta dagoenari jarraikiz, hamabost egunerako jendaurrean jarri da Iruñerriko Mankomunitateak Goñiko Kontzejuari Goñiko ur-biltegiaren jabetza dohainik lagatzeko proiektua. Goñiko 1. unitatean, 178. lurzatiko B azpilurzatian, 3. poligonoan dagoen ur-biltegi hori tokiko interesak osatuko dituzten edo interes horiek asetzen lagunduko duten erabilera publikoko edo interes sozialeko xedeetarako erabili beharko du Goñiko Kontzejuak.

Iruñerriko Mankomunitatearen Batzar Nagusiak, 2025eko urriaren 20an egindako bilkuran, hasiera batean onartu zuen ur-hornidura, estolderia eta saneamendua, arazketa eta Uraren Ziklo Integralari dagozkion beste jarduketa eta zerbitzuak emateagatiko tributu-izaera ez duten ondare-prestazio publikoak arautzeko ordenantza aldatzea.